ماشاء الله تبارك الله ماشاء الله لاقوة إلا بالله , اللهم إني أسالك الهدى والتقى والعفاف والغنى

التميز خلال 24 ساعة
 العضو الأكثر نشاطاً    الموضوع النشط    المشرف المميز     المشرفة المميزة  
أمير بنغازي
ذكـــــــــــــــاء رجل
بقلم : سرمد
قريبا
قريبا

العودة   منتديات دلع ليبيا > °ˆ~*¤®§(* ساحـات البرامج والتقنية *)§®¤*~ˆ° > ساحة جـوالـك


ساحة جـوالـك ذبذبات و مدارات تستقبل و ترسل بلا حدود رسائل ، وسائط ، sms ، mms

مسجات 2012 حصري ع دلع ليبيا وبس

جبتلكم مسجااااااااااات صقع حصري ع دلع ليبيا وبس مازلت نا هونا لادرت حوش ولا لقيت مراء انموت خيرلى مازال نا العزابى ومازال نرجا فى القروض وعابى ومازال

إضافة رد
 
LinkBack أدوات الموضوع انواع عرض الموضوع
#1  
قديم 31-01-2012, 02:01 AM
لومي
دلع ذهبي
لومي غير متواجد حالياً
Libya     Female
SMS ~
بـــالـــروح بـــالـــدم نــــفديــــك يــا بــنــغــــــــــازي
اوسمتي
شكراً على الرقي بالمنتدى وسام ثلاثة آلاف مشاركة 
لوني المفضل Deeppink
 رقم العضوية : 1269
 تاريخ التسجيل : 28-09-2011
 فترة الأقامة : 1090 يوم
 أخر زيارة : 28-01-2014 (02:51 AM)
 العمر : 23
 الإقامة : بـــنــ♥ـغازي
 المشاركات : 2,967 [ + ]
 التقييم : 100
 معدل التقييم : لومي سوف تصبح مشهورا في وقت قريب بما فيه الكفايةلومي سوف تصبح مشهورا في وقت قريب بما فيه الكفاية
تلقيت إعجاب : 3
بيانات اضافيه [ + ]
3agek13 مسجات 2012 حصري ع دلع ليبيا وبس



مسجات 2012 حصري ليبيا 1272275933.gif





جبتلكم مسجااااااااااات صقع حصري ع دلع ليبيا وبس


مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه

---------------------------------------------------


منامي جاب نظيف الخد ونا راقد تهيالي نحسابه بجد

---------------------------------------------------

هذا جيل الجو الفــايح قليل ربايح ديمة نص الليل ذوايح
جيل الباهى جيل اللى في الكيكة لاهى
نسيوه بريريد الشاهى و ع المكياطة تما طايح
جيل الراب لا يقرأ و لا يحل كتاب
ديما شاطح دون اسباب و من الدخان خياله سايح
جيل الموضات جيل آخر واحدث طرحات
يتبع في الفيديو كليبات و ماشي في التيار و رايح
جيل فضيحة جيل نوادر آخر صيحة
في الجو مزنح تـزنيحة مع هيفا و روبي سايح
جيل ال ok جيل اللى يحكى بيديه
تتعب و انت تعدل فيه و لا ما تثمر فيه نصايح
جيل التوخيرة جيل يقلد في شاكيرا
و مسكر راسه تسكيرة مقفول و مفتاحه رايح

---------------------------------------------------

خيرك ياعين تغششتي .. شن فتشتي .. لين جروح الخاطر نشتي

---------------------------------------------------

عالكرت نملا كرت
من سحر صوتك في الغرام اسكرت
أنا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

---------------------------------------------------

كل يوم تام رصيدى.... وانتى ترنى طالبه مواعيدى
نسلف وناخد دين ماهو بيدى....الله يلعن النقال فيه حصلت

---------------------------------------------------

ياريت ماهو ماكن .. وياريت حبك فيا ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء فيا ومنّي .. ولا تخطري وقت انجي لوسادي

---------------------------------------------------

خائف يصير معاى كصدام.....وياخد غلاى معاك حكم اعدام.
خائف تصير الخونه... وتنسى غرامى ياعزيز اتخونه...
نهار عيد تذبحنى بكل رعونه....يشمتوا فيا عقاب اقزام

---------------------------------------------------

المكياج يا البنات موش حضاره
المكياج جاكم من بلاد نصاره

***
كل يوم فى المزين
فى لبسها تلبس رقيق يبين
لا تستحى من الله لا تدّين
غشيمه ما تعرف الادب و اقداره
وتقول يا وليدى الباسي قنين
موديل راقى عاليات اسعاره

***
البنت فى طلعتها
ع الناس تلقا عارضه زينتها
وتلقا الصنة مفيحه ريحتها
والجسم يتمايل يمين يساره
وتلقاها بطية دوم فى مشيتها
تخلى عقول العاشقين حياره

***
طالعة تسّلى
وفى الفم دارت مستكة تتحلى
والشعر طايح طالقاته كله
والوجه يتلاصف اتقول شرارة ...

غير اعترف و مسامحك... ما انريد منك شى
غير اعترف من صالحك... بالك الحق على
لك عام مانك صافى... وين ما اتغيب اتطول
حتى فى كلامك جافى... مانك حبيبى لول
يانا مش فاهمك... وانتا اتساير فيا
يافى غيرى شاغلك... و خايف اتقوله ليا

---------------------------------------------------

مصيونه في الخاطر كنتي ... لكن خنتي...وفيت بعهدي ماصنتي
كنتي في الخاطر مصيونه ... بين عيونه ... لكن كافيتي بالخونه
خليتي كبدي مسحونه...امنين طعنتي ... سيفك في ظهري مكنتي
طلعتي ليغيري بليونه... فيسع لنتي...في لحظة ليه استسلمتي
وليتي عبده في كونه ... بيه حلمتي ... قصة حب معاه ضمنتي


مصيونه كنتي يا لللا... لكن والله ... قدرك طاح تحطم كله
كنتي ورد نسيم وفله... لكن هنتي... مكروهه في عيني شنتي
قلبك جاه ابليس وضله...ماقاومتي...صرحتي بعيبك بينتي

---------------------------------------------------

زيد يا زمان اقهرنى وسع اجروحى زين ما تعبرنى
خود غايتك ...
زيد اوجاعى قول يا زها عدى اومالك داعى
اضغط على قلبى الى ملتاعى على حب راح وفى الكنين سعرنى
زيد اهمومى سيل ادموعى نين يجفل نومى
املا حياتى نو زيد اغيومى وفجر انهار الحزن من ينبوعى

---------------------------------------------------

مانك الا غلطانه...حسك رقيق وشفرتك لبيانا ترنى عقاب الليل

يامريوحه ...ويا قاعده فى الحوش كيف اللوحه...انا عارفه النقال كيف اطروحه
ياكبر خوفى تطلعى شوشانا.

--------------------------------------------------------------------------------

يا ما بكيت عليها... وهي زاد تبكي ونا انودع فيها ... يوم السفر

مـاني نـاكــر... بكايا عليها في الصباح الباكر
وهي زاد تبكي ماسكه التذاكر... امنين ما ايديا لامسن ايديها
صار الوداع مغير ماني فاكر... مغمي علينا كل حد في جيهه

يـكـيـت بـحـرقـه ... ونا ف الصعود وفي السلالم نرقى
سيل م الدموع النازفه بالدرقه ... بيدي انكفف غير واحل فيها
الله لاتعودك يا أيام الفرقه ... امجرّب وغيري ما انودّه بيها

--------------------------------------------------------------

خـلــك مـعــاي حــنــون تكسـب غـلاي وتربـح المليـون
من غير اسئله

تــكــســب حـــبــــي ... وللي تطلبه يبقـي احـداك ملبـي
وانجيـك بالتاكيـد كـي ماتـبـي ... من غيـر قسـوه ياعزيـز اتمـون
انت علتـي وانـت شفـاي وطبـي ... واحلي زهـره مفتحـه فـي الكـون

-------------------------------------------------------------------

ياعمر ضاع بلاش ... ويانهر موتنا حداه عطاش
ياعمر ضاع حسايف ... وياحلم عايش به لقيته زايف
وياقلب كملهن أيامه خايف ... وياجرح وسط الكبد مايبراش

-----------------------------------------------------------



نرجو فيك ياغايب اتجينا ...
بعدك طال طولت الغياب ...
انكان نسيت احنا مانسينا ...
دز العذر كان عندك اسباب ...
انكان اتقول في حقك اخطينا ...
هات الدليل واحكم بالصواب ...
نرجو فيك يا غايب اترد ...
عز العمر عدا في رجاك ...

-------------------------------

ياقلب عندي احباب ماتنساهم تصون ودهم وتحفظ عزيز غلاهم

---------------------------------------------------------------


انتم زها للعين وين تراكم ...
وانتم شعور الحال يا محلاكم ...
وانتم ونس الايام في ملقاكم ...
لاتغيبوا يلي جميل اسماكم ...

--------------------------------


روفي عليا ياامنـاي وحنـي ... صبري كمل مرسولكم مستنـي
. . . . . . . . . . . . . . . . . . . . . . . . . . . . . . . . . . . . . . .

روفـــــي بــيا... لي وقت شاقي بغيتك ياابنيـه

امراجي ثلاث اشهور بالعديـه... مرسول منكـم مالفـا طمنـي
::::::::::::::::::::::::::::::::::: :::::::::::::::

روفــــــي قـــولــــي ... كلمه اتخفـف حيرتـي واحمولـي

سواء كانها بالرفـض ولا اقبولـي ... خيـر مـن اقعادي هكذا مستـنـي
::::::::::::::::::::::::::::::::::: ::::::::::::::::::::::

امجور غلاكـم ليـن هـد حيولـي ... ماالقيت من عـاون وحاشـا عنـي

معاكم بقي بالحيـل كابـر هولـي ... بعد فيك ريت عيـون سـم سقنـي

انحس وين ماتبقى احداي اتجولـي ... اتقول روح من جسمي انتزعت مني


.................................................. .........


لا مكسما لا كيه ... انسي غلاي واتركي يابنيه ... الله والنبي
لامكسما لافلوس ... لامال عندي لا سحر لافانوس
ولا كنز من جدي ظهر مدسوس ... راتب ضمان وما وصل للميه
وانتي الحاله زايطه بفلوس ... تجيبي شقف اسماح للكلية
ونقال فيدك ملك ليك اخصوص ... تكلمي البابا هيا روح بيا
قولي لباتك فاتحيه اخصوص ... يشبحلي ترى تعيين في الشعبيه
وتبقي معايا يامناي عروس ... الفلوس منك والحنان عليا
لامكسما لا كيه ... انسي غلاي واتركي يابنية ... الله والنبي

----------------------------------------------------------------

ايش جابرك ياقلب رد عليا ... ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه.

--------------------------------------------------------------------------------

وين ما نقول تهوني... تجي صورتك هذيك بين عيوني... تزيدي غلا

وين مـــا نقـول نهونك ... يلي مذيبلني سواد عيونك
لا حذاك في الدنيا علم لا دونك ...ولكن خسارة فيك عاكس عوني

---------------------------------------------------------------------

مسجات عزايز فى يوم الحنه
-----------------------------


قالت ام العريس ..
يا أم اشروط اتقول شكاوى ... ياريت ولدنا ماهو غاوى
................
ام العروس ..
ولدكم ما درنالا شى ... جانا يجري كا الجدي
................
ام العريس ..
عروسك يا خايل الاباس ... جراده تشعبط ع الساس
.................
ام العروس ..
ها البشوبو الى جبتنا ... كان اتريدنا خودنا
.................
ام العريس ..
لانك عين ولانك جمه ... ولانك من عيله تسما
ياسلم جياب الدبله ...فرح ها العيله المنهبلا
سيقانك سيقان دجاجه... ما جيناك الا من العازه
.................
ام العروس ..
ولدكم بو كرعين اكبار ... جانا يجرى كا الحمار
.................
ام العريس ..
بو عين كبيره فلا ته ... لو ماجاها راهى جاته

خليك بعيد مادام قربك فى الجروح
يزيد الله يربحك ...
ليش تخايل وانا من غرامك شى مانى طايل لا بيك يسقم
البخت المايل ولا بسمتى تقدر اليوم اتعيد ...
--------------------------------------------------------

امته اشواقك تستحى من البعد وترايف على وامته ولمته
بالجفا والموجعه تجرح فى كم وعد منك عدى وواجد عليه
بكيت ماهناك عزم انشده تصدق انى مليت ...
----------------------------------------------------------
يايومي . يا أمسي


يانوري . ياشمسي


ياصوتي . ياهمسي


لما أشوفك أتذكر عبسي
------------------------
ابعثـلـي حـتــى مـرســـــال ... فـي وطـن الشـوق ايصبرنـي
مــادام اغـيـابـك مـــــــزال ... طـمـن قلـبـي ياهـاجـرنـــــــي
يكفيـنـي حارمـنـي شـوفـك ... ماتبـخـل حـتـى بـحـروفـــــــك
ديـمـا تـسـبـل بـظــروفــــك ... نــاوي عالفـرقـه تجبـرنـــــي
----------------------------------------------------------
طـولـت فالجـيـه اشتقنـالـك ... زعم نخطروا ديمـا علـي بالـك
وانــت بـعـيـد افـكـارنـــــــا ... كـــل يـــوم تـرحـلـلـــــــــــــــك
وانــت بـعـيـد ازهـارنــــــــا ... تـنـشـد عـلــي ظــلــــــــــــــــك
مالـبـعـد مـــا مـلـيـــــــــــت ... ولـلّــه عـلـيـه خـذيـــــــــــــــت
صــابـــر هـنـيــالـــــــــــــك ... اشــتــقـــنــــــــــالـــــــــــ ـــــــك
------------------------------------------------------------
مش هكا تكون الليبيه ... بنت الاجواد انكان تنشد فيا
سود الميامى وبالسواد سفيا ... ام الخــدود امورده دهنيــه
فيها محاسن واضحه وجليه ... بيض القلوب و صافيات النيه
حلوه وجميله وكلها حنيه ... كريمه عطوفه من العظيم هديه
تستر البيت امربيه ذريه ... تكرم الضيف انجاك وان الجيه
فى طاعة المولى و زاد رضيه ... تعرف الله وعاشقه فـ نبيه
--------------------------------------------------------------
ان كان نشغلك دز السلام العاجل ...
مع الريح ولا مع الحمام الزاجل ...
سلامك دزه ... ان كان بينا باقي عروق معزه ...
راهوا في غيابك خاطري استفزه ...
الحاسد اللي من العيب ماهو خاجل ...
والشوق ياوليفي غصن عزمي هده ...
يخطرلك الشوق يهد عزم الراجل .
--------------------------------------------
غايب عن عيني من مده عزيز انوده لين الخاطر واصل حده .
------------------------------------------------------
كثر الملام غير جر عيوب ...
يقلب مواجع مالهنش لزوم...
كيف من يرقع في قديم الثوب ...
يوفي كتوفه يقصرن الاكمام .
-----------------------------
دز رساله
ونا نجاوبك عل العقل كيف جراله ...
بقي من غلاك مريض هذا حاله ...
اسهى لين نيران الغرام كلنه .
---------------------------------
مسلسل ما ينتهى ...
غلاك يا عزيز غير تابعه .
-----------------------
مرايف جيت جايبنى حنين و نار الشوق فى قلبى صهيده ...
لك مشتاق نبدالك منين يا عنوان فى صفحه جديده ...
بسمة فرح فى عالم حزين فيه الود و البسمه وديده .
----------------------------------------------------
الناس دايره الاصحاب يوم الطربه ...
وانا صاحبي نبيه يوم الكربه ...
يوم الضيقه يوم حوست الخاطر وجفت ريقه ...
يوم صورة الاحباب تبان حقيقه ...
سوا صافيه ولا اتجي منحرقه .
----------------------------------------
لوكنت نعلم قبل قلبك قاسي ... لاشقيت بيك ولا وجعني راسي .
--------------------------------------------------------------
ميت موت عليك مرايف نبي انجيك ولكن خايف .
-------------------------------------------------
كثر خيره لقيت حنون وخير لي من غيره ...أصاحبت نا والليل .
--------------------------------------------------------------
اليوم شاكيه ياعين قولي كنك ...انتي مرايفه ولا اوهامك جنك .
---------------------------------------------------------------
مرايفين ياغالي عليك انمسوا ... بريافنا ياريت يوم اتحسوا .
------------------------------------------------------------
حاولت ننسى ما القيـت عزايـم مصعب النسيان عللي هايـم .

حـاولـت ننـسـى غــرورك ونبعد عليـك ونتركـك لشعـورك ...
لكـن حنينـي شالنـي لبحـورك ولقيت نفسي فـي غريقـك عايـم .
-------------------------------------------------------------
مانك عليا غالى ننسى غـــــــلاك ونعلن استقلالــــــى
من يوم معاى اخطيت ...
جـديد انديره ننســى لول ونشقى بغيره
ونلقى الخبر منقول فالجزيره ... ودعايه كبيره من مذيع ايطالى .
----------------------------------------------------------------
لاجيتي ولا وصلني نهار سلامك ... طبعك تغير ما عرفت اسبابك .
-----------------------------------------------------------------
تونسية قالت : العقل فيه برشا هموم مانجمش ياعزيز أنقولهن ...

ردت عليها الليبية : هابا ياماشايل عقلي غير وطيت عليه بثقلي ...
-------------------------------------------------------------------
زولها مستوفي ... ولها عيون شقتني مع شرشوفي ...
اعطاب خزرها سالب ستاير جوفي ... واخذ جميع الكبد والدواره .
-------------------------------------------------------------------
رفيقي مصوقر ماهناك مثيله يصون الرفق من قبل ما نشكيله ...
رفيقي ذراعي وين الفزع حاضر ايجي مداعي ...
نرقد ويبقى في سريره واعي ...
يحسب حساب الدهرفي تبديله .
-------------------------------
من قالك عمري بلاك يروق ...
ومن قالك يهدا بلاك الخاطر ...
ومن قالك شوقي لغيرك شوق ...
ومن قالك مانك عليا خاطر .
-------------------------------
ياقبر بين اقبوره ... بترابك تغطا فيك سمح الصوره ... احسن اضيافته .
------------------------------------------------------------------------
ياريت خاطري بات مردوم ... في قبر وتراب هايل ...
ولا في الغلا بات مهزوم ... ولا حاس بين العدايل .

____________________________________________
مرات نحمل في احموله الزايله ...
ومرات حتي الجرد نوحل فيه ...
ومرات نذهب في الضحا والقايله ...
ومرات حتي الليل نخبر فيه ...
ومرات نفرح والمدامع سايله ...
ومرات حتي العيد نبكي فيه ...
ومرات اثقل ثقل نقعد شايله ...
ومرات حتي حمل الريش نعجز فيه ...
ومرات ننسي اجروحي الغايره ...
و نشقي بجرح الرفيق ونداويه .
-------------------------------------
ابكاي ياعزيز عليك ... انكان دين ويش ايخلصه .
--------------------------------------------------
اتريد من النهار نصيب ... ابكا اليل ما عاد سادها .
---------------------------------------------------
العين من غلا مرهون اتذوح ما دباره لاقيه .
__________________________________
فـي شـارع الـمـدار زاد قهـرنـي ...
وين ما خطم احداي مـا عبرنـي .

زاد جـنونــي ...
ونزلـن بـلا رادات دمـع عيـونـي
وهـو بالمواجـع كاويـه مكنـونـي
نصـبـر علـيـه والله بيصـبـرنـي
وشيـط النـار اليـوم فـي كانونـي
علـى جمـر هافـي يريدهـا تاكلنـي
اللي قبل كنت انقـول ضـي عيونـي
علـى مـر كاسـه هواللـي جابرنـي .
-----------------------------------



يــابــعــيــد الــجـــوبـــه ...
معاي نار تكبر دايره لهلوبه ... وصلني جوابك .
...........................................
قــريـت كـلامـه ...
مالسـطـر لــول لاعـقـاب سـلامـه
كـلام بعـدهـا ناعـشـت فــي دوامــه
وايـام ماضيـه مالعمـر مـي محسـوبـه

............................................

يــابـــعـــيـــدالـــديـــره
عايـش علـي ذكـراك سمـح السـيـره
والعقـل مـن فـرقـاك حـايـر حـيـره
نــاوي يـتـوب ومـاقـدر عالتـوبـه

...............................................

يــابــعــيــد الــســـاكـــن ...
عالبـعـد والهـجـران حـبـك مـاكـن
ويـن مانويـت انديـر عــزم بـلاكـم
جميـع المنـاضـر شفتـهـن مقلـوبـه .
------------------------------------



كنك اتريد العين عينك منهـا ...
واعرف غرضها لاطول عنها .

اشــقـــى بـيــهــا ...
وحاول دقائق ما تعيب عليها
شوفتك تشيل الهم وتنسيهـا
في شوق طايل بالوجع ساكنه .
------------------------------


ياما عليك بكيت ...
نكذب ان قتلك راني غلاك انسيت
ياطول عـــازتي .
---------------------------------


جاب اولافي ...اللي خاطري خلوه ضيه طافي
البارح منام الليل .
---------------------------------------------



يا ظالمه هـذا عليـش اقدرتـي ...
اليوم ناسيه وباب الغلاء سكرتي .
---------------------------------


سبحان كيف رقدنا ...
وجانا النوم وماتقول فقدنا ...اعزاز فارقوا .
--------------------------------------------


صدفه انـدور فـي وراق قديمـه ...
لقيت صورته خزرة عيون الريمه .
------------------------------------


خلك قريب احدانا ... لاتنفعك مدار لا لبيانا ... بلا مواخده .
----------------------------------------------------------
بياض نقي لون المكنون
وصيتك عطره مالي الكون
تعيشي صوت وهمس حنون
عشقتك واللي يكون يكون
رويتك ورده فوق جبل
جوريه فواحه تهبل
نسرين وفل الكل قبل
علي شانك بالعطر يهل
والدنيا تهون
وروحي بين أيديك تكون
......






بيوت وزاطت,,,وانا في رجاء الاعزاز كبدي طابت,,الناس كلها دارت بيوت وزاطت
***
اتصدق ما نبوك اتغيب ** احضورك ظل و نور و طيب
***
يا أعز من رافقت و يا أعز من شاكيت ** دورت نين ابطلت ما كيفك حبيب لقيت .
***
حتى انكان نظر ما جابك ** غالي عندي دير احسابك .
****
عيش الدنيا صح بجوك ** و اللي فاتك يأخذ سوك .
****
اعزاز غلاهم موش كلام ** بلاهم ما تسوى الايام .
****
عزيز امعيشهن خياب ** كلنها من يوم اللي غاب .
***
ما يوم اعزازي هنوني ** ديما بين ارموش اعيوني
***
الصاحب يلى مايصونك***** ولا كان واته فى قفاك يخونك
خلبيه ماترعي قداه عيونك***** وانساه من بالك وقص السيره
ودور على يلى منهار يهونك***** يدافع عليك وينفعك تدبيره
لصحاب قيما ....... ايجنك اوقات تعذره وتلوما
وايجنك اوقات تبقا ديما ....... تبيهم احذاك او يخطرو فنوما
الله ايكون فى عونك
***
عــــــدى ناوياك عليها .. عيش الدنيا اللى تبيها
ســــيورك ليا تشتاق .. وإتكيدك لوعة لفراق
وإللى تضحكها تبكيها .. عدى ناوياك

عـــــدى دور عند الغير .. عيش وجرب منهو خير
صــــــــيورك ترجع لديارى .. وتنشد عن حالى وأخبارى
عارف لحكايه وما فيها .. عدى ناوياك
***
كلمة الحق أن قلتها وجاعة .. اتخلي رفيقك يتركك في ساعة
يتركك من جده .. ويبقى امعاه الفيض فايت حده
يبيك تجاهل عالخطا ماترده .. وتاخذ اسلوبه في حيلته واخداعه
يتركك ويهونك .. وان جاملك موش لسواد عيونك
تحلف عليه يبيع روحه دونك .. اوهو بايعك بالرخص للبياعة
يبيك تكذب كيفه .. ويبيك تبدع فالكلام وزيفه
وكلمة الحق يلقالها تعريفه .. ويسلك طريق الشر باقتناعه
اتصدقه بالنيه .. وتقول هذا عز صاحب ليا
وين تكشفه تلقاه لفعه حيه .. لدغتها خفيفة قاتله لياعة
***
ريتو حال العقل وبخته حتى النشده تمت شحته

تنهدت والتنهيد قلبي ضره,والرخص من بعد الغلا ما حره ,والالم ساكن والوجيعه مره ,والصبر حبل ما قدرت نجره , واللي وجعني ما وجعته مره
***
خايف بعد ترحل إنعيش الياس ومن حيرتي ننسي معالم إسمي .
ونغني فقدتك يا أعز الناس كيف بكي وغني حسين الجسمي
***
كيف المطر يا صافي .. وين تنشدوا تغسل اهموم اريافي .. ويرتااااح خاطري
***
ماهن ارقاق عزامي .. و ما عمري ع الشينه انحط اقدامي .. ترباية عصر
***
ما تعترضه *** خطاهم حصل .. ترضى ؟! سوا ما ترضى
لا تعاتبه يا عقل؟!.
***
قدم خلونى غير خيال .. إنطيح مع عين الغربال
***
لا انبدلك لا يومك نرخي صوبك .. سريب الغــلا في القلب راهو دوووبـــك
***
مرات تبدا القرش ماتكسابه..ومرات تبدا القرش تلعب بيه...مرات تسكن في عقاب خرابه ومراتتبني قصر وتعليه...مرات كيف الزرع تبدا صابه..ومرات قش الريح ينفخ فيه...وفيسع يمر العمر شن تحسابه وتنزل تجي للقبر تسكن فيه...خليك ديما شخص ليه مهابه وهلي بعد عالدين ماتماريه...وتبع نبينا كون كيف اصحابه..وراجع كتاب الله واقرا فيه
***
نسهر مع طيفك خيال يجيني..اللي يرتسم لحظات ويناجيني..عندي سرحه وعندي مع ذ. حزن وفرحه...وعندي احساس غريب يصعب شرحه...بعد يختفي طيفك يزيد حنيني
***

كيف تخبي
على كلام الناس تجرح قلبى
تفارق بلا سيات ما هو ذنبى
وانت السبب فى حيرتى والألم
***
تبعد كنك
ونا طول عمرى قبل ننشد عنك
اغيابك عليا ما خطر فى حلم
***
امتى اتجيني
وتزهى حياتى بيك طول اسنينى
من قبل ديما شايلك فى عيني
صورة جميلة فى خيالى رسم
***
هذا بختى
انخـــش البحر مكتوب يغرق يختى
وانتى عليهم ليش ماصــــــرختى
يالعين منك كل مايجــــــــــــرالى
ياما امعاهم فالغـــــــــــــلا ربختى
واليوم من كسادك بالدموع تشالى
***
ماني مهاجر ولاهو غلا بالغش فيه انتاجر غلاكم ملا لعيون
***
أللي ما عليك يسال لا تشقابه .. لا تجيه لانك من أحساب اصحابه
***
ماني نزيل عليهم عليش الغوالي رافعين ايديهم مني ومـ الغلا
***
ابيار معزا نشرب ونسقي والحسود انلزا في القلب شايلك
***
قسمت روحى بينهم ماسدت ....لاهم رضو ولا الروح ليا ردت
.وأنا بهمى نضحكلهم والجرح ينزف منى ...ونقول غير يرضوا الحبايب عنى
***
حافظ عليه وصونه خله امعاك لا تتركه ولا تهونه
عطيتك غلا حافظ عليه وصونه
***
ان كان انسيت عزيز اجعني ما نرقد ليله متهني
***
تقازك ياعين خبير قال غلاء لولاف ايصير
***
عندي عين سماها ماطر زول عزيز عليها خاطر
***
كيف ما القديم دفرني //بندفر جديد ويازمان أعذرني
***
مشيت مع لولاف طريق .......... تلف وتستاسع وتضيق
***
يا القديم انسينا صوبك *** واجد رقّعنا في عيوبك؟!.
***
يا خطيب الجامع . . . سوا سرّ وإلاّ جهر .. ربّي سامع
إدعي معايا؟!.
***
مانهون سريبه علي ما حاولوا الحساد في تخريبه غلاك معاي
مانهون سريبه
***
كيف حال خويا والرفيق الباهي ... ويش حال روحك في الربيع الزاهي
حالي طيب ..
***
عايش بروحي في دلال إيخيب
مربع وزاهــــــي والحبيب قـــــريب
ماتريد غيري وما نريد الا هي
ياصاحبي نريدك حذاي قريب
في وقت غاب المنتهى والناهيسلامك جاني ..
وحديثك إللي صافي وفيه معاني
جدد ريافي ع الحبيب الداني
إللي في الغلا حافظ كتاب الله
كاتم أسرار الصاحب الحقاني
كثير الوفا مايوم عني ساهي
***
هذا عقاب تعبها ... عشقت ناس ماتسوى اتراب كعبها ... العين نادمة بالحيل
***
هذا حظي,,, نصبر وننسا وازمان ايرضي
علي من نريد انلوم ؟,,,, هذا حظي
***
واجب ذكره حتي لو دفني في هوامش فكره يبقي العزيز عزيز
واجب ذكره ...
***
ليهن مده ... كيف الحزينه الصابره ع العده ... فاقداتكم لانظار
***
قلت نتباعــــد
ونشــــوف غلاي وين عندك قاعد
لقيتك جافي ولقيت نسوة غرامي شئ بيه إتكافي
ولقيت عندك متمزقات إملافي ونسيت إنك
عالوفاء متواعـــــد
***
يلي بلاكم صايف .. هابل بلاك العقل راني خايف .. ليش الجفا
***
س\ كان غاب عن عينك رفيق توده حبل الوفاء ترخيه ولاتشده
ج\مانرخيه حبل الوفاء بالحيل نمسك فيه وان غاب عن عينى رفيق انجيه مرات يبدا صاحبى فى شدة
***
على الصامت خليت اجروحي همي نشكي فيه الروحي
***
العقل اموالف عالتوديع .. اللي ماضاعت تو اتضيع
***
خلاص مانريد غلاك .. بس نريد اسباب خطاك .. لو كان تعترف
***
بعد صار خطاكم ياغوالي .. بعدكم ما نامن لوالي
***
ساعدني علي نسيانه .. غاليته غلا صادق وهو ماصانه .. يارب ساعدني على نسيانه
***
مسامحكم بكري واليوم .. غير اخطوني وقت النوم
***
قديم بعد هذاك الحن .. كرهني وانظر حن لمن
***
صوب غلاكم لو نحسابه .. ياس عقابه .. من الاول سكرنه بابه
***
يالقديم علينا وسع .. سمك فينا ياما لسع
***
الناس اللي مني وعليا .. خطاهم صار رفعت ايديا
***
عطينا حن خدينا قسوة .. شينة هالدنيا ماتسوا
***
يالقديم الغلوة طارت .. مستغربها لكن صارت
***
بكينا يالقديم عليك .. من الخونة مش قولت نبيك
***
دعايا يالقديم تحب .. تكبد لكن ماتنحب
***
اللي فاتك خليه يفوت .. غلاهم موش دوا للموت
***
خلاص غلاكم مايلزم .. تحول سم .. بعد ماكان عسل في الفم
***
الخاطر ياما صاير فيه .. الله يشفيه .. يصارع في جرح غواليه
***
قديم امخلفلي لوعات .. كمامي ديما مبلولات
***
عزيز معاي لعبها صح .. وهمني بالطيبة وجرح
***
تصدق ما رايحلي شي .. قديم يفوت جديد ايجي
***
عيب احشومه .. وانت عارف غلاك وسومه .. تقسى عليا عيب احشومه
***
موش بجوك .. ساعة تريد الغلا وساعة تقول عدوك .. راه الغلا بالقدر موش بجوك
***
كيف اندير .. العين غافلة غالت عديم ضمير
***
هنت غلاي غلاك نهونه .. زايد علينا باش لين نصونه .. ردود الكفا
***
جي القديم ايريد يصالح .. مايحساب كلاه المالح
***
لا نواخدك لانك اللي تتواخد .. وراني على زمط الغصايص واخد
***
ملتمات الله يبارك .. حظ عطيب وياس مشارك
***
ديما واجعني ياحالي .. ماعندك حظ مع والي
***
راك تحط اللوم علينا .. يالقديم جفيت جفينا
***
مصيبة بالرسمي .. انكان الغوالي مايجوا في قسمي .. يبقا الغلا كله مصيبة بالرسمي
***
مضروب ضربه شينة .. من غالي إغلي وما عليه غلينا .. الله يسامحه
***
واخد علي عكسيته .. ماعمره الوقت صفى معايا نيته .. بالذات في الغلا
***
تصدق نا صارتلي نسوة .. درت غلا لكن ما يسوا
***
في الدنيا شفت التقهير .. ان شاء الله بعد الميتة خير
***
مقوى عينك ياغالينا .. درت خطا وتقابل فينا
***
عندي عين شكت من ظلمك .. نست غلاك يكون في علمك
***
ماهزوني .. شديد عزمي حتى بعد فاتوني .. غيرهم واجد اللي يبوني
***
ماني اللي نتجدا .. تحت التراب ميت عزيز انعده .. انكان فاتني
***
نحسابه صبه .. لقيته ورق عالنار فيسع هبه .. غلاكم اليوم
***
نقص و زاد بعد ماتقاوى سطيره .. جرح قديم عاود عليا خيره
***
كانك عالفراق فداك .. ياما غلا فارقنا .. بيك الحياة وبلاك .. ومانك اللي خالقنا
***
الله غالب .. حظي قالب .. معكوس الموجب بالسالب
**
كديت ما كد الجمل بحمله .. اني نفرغك ياقلب وانت تملى
***
كيف اندسه سطير ريافكم واعر العين اتحسه كابر معاي اليوم كيف اندسه
***
ترفرف عليك الروح كيف الطير.. وذابت عليك الكبد ..كيف اندير؟؟.
***
مايتوصى يابال فيه الشوق واخد حصة.. الخاطر امعاك حنون مايتوصى
***
لك شايلها ما حد غيرك راه يستاهلها.. ضمه حنين وشوق لك شايلها ...


المصدر: منتديات دلع ليبيا - من قسم: ساحة جـوالـك

ls[hj 2012 pwvd u ]gu gdfdh ,fs




 توقيع : لومي

رد مع اقتباس
قديم 31-01-2012, 12:02 PM   #2
Remas/1992
مشرفة سابقة


الصورة الرمزية Remas/1992
Remas/1992 غير متواجد حالياً

بيانات اضافيه [ + ]
 رقم العضوية : 935
 تاريخ التسجيل :  28-08-2011
 العمر : 22
 أخر زيارة : 01-03-2014 (01:38 PM)
 المشاركات : 4,165 [ + ]
 التقييم :  443
تلقيت إعجاب : 2
 الدولهـ
Libya
 الجنس ~
Female
 مزاجي
 MMS ~
MMS ~
 SMS ~
لَنْ أتَنازَل عَن » عشقُكـ حَتى يتَنازل [القَمرُ] عَن عُلوهـْ .
لوني المفضل : Purple
افتراضي



اووووووووو مسجات رووووووووووع
يسلموووووو


 
 توقيع : Remas/1992



رد مع اقتباس
قديم 31-01-2012, 01:00 PM   #3
سبيل
مشرفة الساحات الاجتماعية والصحية


الصورة الرمزية سبيل
سبيل غير متواجد حالياً

بيانات اضافيه [ + ]
 رقم العضوية : 1262
 تاريخ التسجيل :  27-09-2011
 أخر زيارة : 28-06-2014 (02:44 AM)
 المشاركات : 6,200 [ + ]
 التقييم :  566
تلقيت إعجاب : 30
 الدولهـ
Libya
 MMS ~
MMS ~
لوني المفضل : Slategray
افتراضي



مسجات جميلة

شكرا لك عالادراج
بارك الله فيك
تحياتى الك


 
 توقيع : سبيل
ستون عاما ما بكم خجلُُ , الموت فينا وفيكم الفزعُ .


رد مع اقتباس
قديم 31-01-2012, 03:16 PM   #4
عواصف
دلع مميز


عواصف غير متواجد حالياً

بيانات اضافيه [ + ]
 رقم العضوية : 4098
 تاريخ التسجيل :  25-01-2012
 العمر : 24
 أخر زيارة : 16-08-2012 (05:19 AM)
 المشاركات : 151 [ + ]
 التقييم :  10
 MMS ~
MMS ~
لوني المفضل : Cadetblue
افتراضي



يسلمو روعه


 


رد مع اقتباس
قديم 31-01-2012, 04:15 PM   #5
لومي
دلع ذهبي


الصورة الرمزية لومي
لومي غير متواجد حالياً

بيانات اضافيه [ + ]
 رقم العضوية : 1269
 تاريخ التسجيل :  28-09-2011
 العمر : 23
 أخر زيارة : 28-01-2014 (02:51 AM)
 المشاركات : 2,967 [ + ]
 التقييم :  100
تلقيت إعجاب : 3
 الدولهـ
Libya
 الجنس ~
Female
 SMS ~
بـــالـــروح بـــالـــدم نــــفديــــك يــا بــنــغــــــــــازي
لوني المفضل : Deeppink
افتراضي



شكـــــــــــــــرا علـــــــــــــــي مروركــــم








 


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مسجات اسلامية جديدة , مسجات دينية دعاء شهرزاد ساحة جـوالـك 2 23-01-2012 08:26 PM
نكت ليبيا 2012.~ ملكة مصراتة ساحة دلع إقـلـبـهــا فلـه 16 08-01-2012 01:21 AM
انتخابات ليبيا 2012 زعيم ليبيا منتدى 17 فبراير 15 02-01-2012 11:52 PM
مسجات تهنئه للسنه الجديده 2012 MTZ ساحة جـوالـك 17 30-12-2011 09:12 PM
كراك تنشيط ويندوز 7 حصري لدلع ليبيا ارقن رومل ساحة الكمبيوتـر والبـرامـج و الانترنت 11 11-12-2011 10:37 AM


الساعة معتمدة بتوقيت ليبيا الساعة الآن 08:08 PM.


Powered by vBulletin Copyright © 2014 vBulletin Solutions, Inc
Search Engine Optimization by vBSEO ©2011, Crawlability, Inc.

ابرئ نفسي أنا مؤسس المنتدى ، أمام الله ثم أمام الجميع على كل ما يحصل من تعارف بين الأعضاء أو صور على مايخالف ديننا الحنيف , وأنا أخلي مسئوليتي من أي موضوع والموضوع يمثل كاتبه فقط