المساعد الشخصي الرقمي

مشاهدة النسخة كاملة : مسابقة أفضل تعبير عن ثورة 17 فبراير


زعيم ليبيا
02-12-2011, 04:35 AM
الســـلآم عليكم

مسابقة أفضل تعبير عن ثورة 17 فبراير

[Link nur für registrierte Benutzer sichtbar] OVOqtHGfe8QyafXc6ijEPkGJcxzauj2jGzh4fSg/26.gif

موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟

كل واحد ايقول شن كانت من افكار تخطر على باله ؟

وشن كان يتنمى ايصير ؟

وهل كنت من الاول مع الثورة او لا بكل صدق ؟

وهل نهاية الطاغية هكى تتمنوها ؟

وماهى نظريتك لى ليبيا الجديدة ؟

[Link nur für registrierte Benutzer sichtbar]

وهذى مجموعة الاسئلة وانتم كونو منها موضوع واحكولنا كل واحد شن عاش بكل صدق وامانة وبكل حرية

[Link nur für registrierte Benutzer sichtbar]

قوانين المسابقة

يسمح لجميع اعضاء المنتدى بالمشاركة دون استثناء

يستطيعوا الأخوة الغير ليبيين المشاركة في المسابقة

يمنع منعاً باتاً واشدد على باتاً نقل موضوع من منتديات اخرى ونسبها لنفسك

يجب أن يكون عنوان الموضوع

مسابقة العضوية الذهبية ( موضوع تعبير عن ثورة 17 فبراير )

منتدى 17 فبراير ([Link nur für registrierte Benutzer sichtbar])

[Link nur für registrierte Benutzer sichtbar]

2011-12-18

[Link nur für registrierte Benutzer sichtbar]

من هنا مميزات العضوية الذهبية ([Link nur für registrierte Benutzer sichtbar])

[Link nur für registrierte Benutzer sichtbar]

لجنة التنظيميه لمسابقة إدارة الموقع

والتوفيق للجميع

Remas/1992
02-12-2011, 09:26 AM
مسابقه راائعه
بالتوفيق للجميع

نجمة ليبية
02-12-2011, 09:38 AM
في بيداية الثورة كنت خائفة من أن يفني اليبيين و كنا نشعر بأن القذافي لن يجعلها تمر بخير و كان للأسف شعور صائب و كنت أوتابع تطوورات الجبها و كنت أشعر بلحماس و كان يوم دخول الكتائب إلي إجدابيا كان يوم محزن بما تعنيه الكلمة من معاني بكيت خوفت أن نخسر وفي يوم قصف الناتو أول رتل للقذافي إسترحت وكنت أعرف من تلك اللحظة إننا قد فوزنا كونت إنفكر ّاذكان الثوار ربحو شن يبي إيصير وكان القذافي هو إلي إربح زعمك شنو يبي إيصير كنت نتمني إن ينشد القذافي و يعيش الدول نعم أنا معارضة قبل ماتصير الثورة كنت نتمناله أكثر من هكي إنها حتكون أحسن من ألأول

زعيم ليبيا
02-12-2011, 09:43 AM
في بيداية الثورة كنت خائفة من أن يفني اليبيين و كنا نشعر بأن القذافي لن يجعلها تمر بخير و كان للأسف شعور صائب و كنت أوتابع تطوورات الجبها و كنت أشعر بلحماس و كان يوم دخول الكتائب إلي إجدابيا كان يوم محزن بما تعنيه الكلمة من معاني بكيت خوفت أن نخسر وفي يوم قصف الناتو أول رتل للقذافي إسترحت وكنت أعرف من تلك اللحظة إننا قد فوزنا كونت إنفكر ّاذكان الثوار ربحو شن يبي إيصير وكان القذافي هو إلي إربح زعمك شنو يبي إيصير كنت نتمني إن ينشد القذافي و يعيش الدول نعم أنا معارضة قبل ماتصير الثورة كنت نتمناله أكثر من هكي إنها حتكون أحسن من ألأول

آنتم عبروآ على الثورة بطريقتكم الخاصة

الرجاء كتابة الموضوع هنا

منتدى 17 فبراير ([Link nur für registrierte Benutzer sichtbar])

نرجس
02-12-2011, 11:02 AM
يتوفيق للجميع


تحياتي لكم

نسائم الحريه
02-12-2011, 11:18 AM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
والله في البداية خفت لكن مع الايام كل يوم تكتشف ان الثورة من لاخير وكلها حق ....... اكيد هي نجحت ومازال تنجح

كل واحد ايقول شن كانت من افكار تخطر على باله ؟
انى كنت نفكر انه كان بيهدمها ليبيا من كفره وطغيانة لكن الحمد لله تو ارتحنا اكثر

وشن كان يتنمى ايصير ؟
ان ليبيا تكون وهي كانت حرة
وهل كنت من الاول مع الثورة او لا بكل صدق ؟
ايه كنت من الاول بس ماكنت تقدر انقول

وهل نهاية الطاغية هكى تتمنوها ؟
ايه هكي احسن لهلبه اسباب

وماهى نظريتك لى ليبيا الجديدة ؟
حلوة بتكون

[Link nur für registrierte Benutzer sichtbar]

شكرا خوي على الموضوع الحلو تقبل مروري

Misurata Free
02-12-2011, 11:55 AM
من بختار بعدين اى احسن ولا بتصويت

الرهيب 84
02-12-2011, 12:30 PM
شكرا خوي على الموضوع الحلو تقبل مروري

ESTABRK
02-12-2011, 01:00 PM
الــسسسلآم عليـكم ::

الــتوفيــقْ للــجميعْ ..!!

حيـآتىٍ قبلْ تحيآتىٍ

هدوء المطر
02-12-2011, 01:21 PM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
في بداية الاحداث كنت خايفة من القدافي يفنينا لانه كان اتوعد وايهدد فينا بتهديدات اتخلي حتي اللي ما ايخاف ايخاف ويرتعب
لكن بعد مرور فترة من الزمن واصدار قرار الحظر الجوي اطمنت لانه من الاول جاي يحمينا من ظلم هالطاغي
وبالنسبة لاحساسي بنجاح الثورة بصراحة انا عمري ما ايست وكنت واتقة من نجاح الثورةباصرار الثوار وعزمهم علي اسقاط نظام الطاغي والحمد لله
وشن كان يتنمى ايصير ؟
كنت نتمني ان تكون ليبيا احسن بعد القدافي واصبحت افضل والحمد لله
وهل كنت من الاول مع الثورة او لا بكل صدق ؟
بصراحة من الاول كنت مع الثورةانا وكل عائلتي لانه من زمان القدافي ما انحبوه ونتمنوا ان الليبيين ايقوموا بثورة ضدهم والحمدلله قامت التورة وانتصرنا
وهل نهاية الطاغية هكى تتمنوها ؟
لا ما اتمنيناها هكي بصراحة تمنينا ايتقدم للمحاكمة وايتحاسب علي كل الجرائم اللي دارها
وماهى نظريتك لى ليبيا الجديدة ؟
حتكون احلي واجمل بأدن الله تعالي

غرورى شىء ضرورى
02-12-2011, 02:39 PM
تنكسـ مبروكـ على الفايز

ملك الروح
02-12-2011, 02:44 PM
حلوة الفكرة منك زعيمو ..

ولي الشرف بالمشاركة واعطاء الراي بتاعي


تقبل ودي هذا انا الملك يحييك

• ڜڠپ ـآڼـثۓ ¦¦♥•
02-12-2011, 02:47 PM
مســابقــة رـائعــه

وبـ الــتوفيــق للجمــيــع

ريهام رورو
02-12-2011, 02:56 PM
مسابقه حلواه ان شاء الله راح اشارك فيها

شكراً زعيمو

تحياتي لك

م ح م د
02-12-2011, 03:14 PM
مسابقه راائعه
بالتوفيق للجميع

Moon life
02-12-2011, 03:19 PM
السًلامـُ علًيكُم ورحًمًة الله وبًرَكاتُه

[Link nur für registrierte Benutzer sichtbar]
ثــُورةً 17 فًبـــًرايًرَ


أعُتًبرً هذُه الثُورةٌ مًنٌ أُعظــُمـ ثُورةُ تًمَكَنَتـ فُي العاٌلمـُ العربًـًُي

هٌذًه الثـُورةُ التًي كًسَرتـ حاجًز الصــمًتً لَدى الشــَعبـ الليبُي العظيــمـً

الذي تحَملً حُكُمـ طٌاغيــةً دامـُ فترةًُ حتًى عمـ القتًلَ على الشَعب الليبيُ

هَنا 17 فُبرايُرَ

صــَرخ كُل رجُل
كُل أمرآة
كُل طفًل
كُل أمـٌ طُعنَت من عًهَد الطَاغــُوت
ظهروا فًي شـَوارعُ ليبيا الحًبيبة
بصــوتً عالي وعروا صدُورهمـ للمــًوتـ
ويقوٌلًون::
(( الشعب يُـُُريد إسقاطـ النظاَمـ))

عندمــا رأيتُ أنا كا فتاة دماء على أرضـ ليبيا صـــرختً وأنهرتُ من البكاء
وقلتـ ماذا حدثَ لكي ياليبيا وبدأتُ أقولً هلً مايحًدث في هنا حقيقي
أمـ أنني أتوهمـ ولكنـ أكًتشفتـُ بعد ذلكـ أنني لمـ أتوهمـ وأنني مارأيتـــه ذلك الحين
كان واقع وحدث يحدث داخل أرضنا
عندما تحررت مدينتي التي أنا بها فرحتـ ولكن تذكرت أن فرحتي ليست بكاملة
فهناك من ينتظرنا لكي نقف معهم بقلوبنا وسلاحنا الذي لايملكه الاٌ المؤمن بالله
وهو القــرآن الكريمـ بأن ندعي لهمـ بأن الله يفرج لهمـ كربهمـ لأني كنت أعلم
أن الطاغوتـ إذا فلتت من يده مدينـــة يحاااول أن يتربس
ويفرضـ سيطرته على باقي المدن
وهذا فعلا ماكان يحدث نحن تحررنا
وغيرنا بدأو المعناة من جديد
من قمع وقتل وإرهاب
فماكان بقولي الا (( الله أكبر ))
لأن الشعب الليبي شعبـ مسلم وطاهر
ومؤمن بالله وكتبه ورسله
فلن يفعل الا الصواب ومايرضي الله


منذ حدوث هذه الثورة كنتُ متأكده من أنها ســوف تنجح
ووننتصر على أعدائنا ولكن كان خوفي من أن ينهي ليبيا
قبل أن تتحرر من حكمه اللعين

لأني كنت متأكدة أن هذه الثورة ثورة أحرار
وقامت من أجل العدالة والديمقراطية
والقمع الذي دامـ علينا 42 سنــــة
ونحن لانعلم أو بالآحرى نعلمـ ولكن الخوفـ أسكت بعضا منا
ولكن ليسـ الخوف من أنفسنا بل الخوف على وطننا

عند بدء المظاهرات بدنا نحن النساء بالخروووج
لكي نقفـ وقفة من أجل بلادنا ولشهدائنا الأبرار الذين قتلوا في سبيل الله
وسبيل وطنهمـ ومن أجلنا نحن

وكانت تدور أفكار في راأسي بأن أمسك سلاح وأأخذ دمـ كل شهيد سقط في ليبيا
وكنت أقسمـ وأقسمـ إذا دخلت قوات القذافي اللعينة إلى مدينتنا من جديد سأخرج
وأرجع سواء حيه أو ميته لايهمـ فكل هذا في سبيل الوطن

ولكي نرجع العزة والكرامة والشموخ لبلادنا التى ضحت ولازالت تضحي بكل مالديها ....


كنتُ دائما أتمنى النصــــر وأن نتخلصـ من هذه القمع بأسرع وقت لأن هرمنا من أجل هذه
اللحظة التاريخية الذي لطالما أنتظره الشعب الليبي
بأن نحكم نفسنا بنفسنا
ولاغير ذلك وكنت أتمنى أن يرجع حق كل أمـ لكي تأخذ بثأر أبنها أو زوجها

وأنا من 15 فبراير وانا مع هذه الثورة ومع مافعلوه أخوتي الليبين لكي يخرج
مايسمي نفسه بملك الملوك أو بالاحرى قرد القرووود

أن أعترف أن عند حكم الطاغية لمـ أتأذى وأنا في حياة كريمة والحمدالله
ولكن إذا أنا كنت في حياة كريمة ماذا بغيري الذين يقمعون ويموتون يوما بعد يوم

هناكـ شعووور ينتابني قبل الثورة كنت لأ أشعر لا بوطنيه
ولاحتى أعترف بأني ليبيه ولاأعلم ماذا يحدث في ليبيا من أخبار الخ...

ولكن بعد هذه الثورة الخالده
شعرت أني كنت فعلا لمـ أتنفس يوما مثل هذا التنفس وهيا استنشااق
الحرية الحقيقة والشعور بالوطنيه والمسؤلية والالتزام الحقيقي

لكي أشعر بأني فعلا من أجل بلادي سأضحي بكل مالدي لكي تصبح هذه البلاد
بلاد تفـــــــوق معقل الخيااال

فـــــرحة العمــــــر هذا يوم لاينسى أطلاقا أطلاقا
وأنا عن نفســي أعتبر هذا اليوم يوم تاريخي في أرض ليبيا
لأن تلك اليوم شعرنا بمعني الحرية الحقيقة
وعرفنا أن الشعب الليبي كم يحب اأخوته

وهيا فرحة العمر (( طــــــــــرابًلُس ))

العاصمــــة الأبديه والابيه
عند تحرير طرابلس كان في أشهر الله الكريمة

رمضان

كانت فرحتي لاتوصف ولمـ أصدق ماحدث بقيت لمدة عشر دقائق وأنا
مصدومة هل فعلا تمـ تحرير طرابلس هل هذا ميدان الشهداء
وفعلا صرخت وصرخت وبقيت أقول (( الله أكبر عليك ياطرابلس ))
الله أكبر عليك يابلادي
وطبعا بديت في الغناء ودرت جبهه في حوشنا من الفرحه
مارقدتش وفرححه بنغازي بتحرير طرابلس
أنا لم أنمـ وبنغازي لم تنمـ فصار الاحتفاال الى وقت متأخر
لأننا بصدق لم نتخيل أن طرابلس قد تتحرر كنا نعلم ان النصر أتي لاريب فيه
ولكن أن أرى هذه اللحظة وطرابلس حره لمـ أفكر فيها
وفعلا تحررت وعلمت أني كم أحب هذه المدينة برغم أني لمـ أزورها يوما
ولكن فرحتي كان لاتسع حتى بيتي (( الله أكبر ))

نهاية الطاغية

نهاية الطاغية كنت أتمناها أن يعقل من قبل ثوار ليبيا
وأن يتمـ شنقه في ميدان الشهداء بطرابلسـ ليكون عبره لغيره
ولكي يعلم كل طاغي أن نهاية الطاغوت هكذا الموت شنقا
دون رحمة أو شفقة
ونحن نعلم أن أصحاب الرسول
كانو رحماء فيما بينهم أشداء على الكفااار
وها نحن رحماء بين انفسنا ولارحمة على الكفااار
ولكن الحمدالله أن القذافي أنتهي وبقيت ليبيا

نظريتي إلى ليبيا

أن تصبح بلاد مثلما تريد هيا
أن يعم الخير على الجميع وأن يأخذ كل مواطن ليبي حقــه في هذه الثروة
لأن هذه ممتلكات الشعب
وأن يصبح لدينا رآي ورآي أخر


وأن تصبح ليبيا حرة مستقلة


في نهاية تعبيري لايصح لي الا أن أقول
الله أكبر
وأترحمـ على كل شهيد سقطـ في تراب ليبيا الطاهر الشريف النبيل
وأن أقول لك أمهات ليبيا لاتبكن في أن شهدائنا أحياء عند ربهمـ يرزقوون





أشكرك زعيمـ ليبيا
لأنكـ أتحت لي الفرصـــة أن أعبر ما بداخلي
من صــــرخة دامت 9 أشهر من بداية هذه الثورة


كنت هنا :

moon life

مصراتى تائر
02-12-2011, 03:43 PM
متي ستبدا المسابقة

miley my smily
02-12-2011, 04:23 PM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
خفت فى بداية التوورة كنت نقوول ان شاء الله تنجح
كل واحد ايقول شن كانت من افكار تخطر على باله ؟
انه بيمسح طرابلس وبيفجرها زى ماكان يقول
وشن كان يتنمى ايصير ؟
تتحرر طرابلس
وهل كنت من الاول مع الثورة او لا بكل صدق ؟
اكيد والمؤيدين يسالوا فيا انقوللهم انى معارضة شن تبو فيه القردافي طبعا مع بعض المناوشات ههههه
وهل نهاية الطاغية هكى تتمنوها ؟
كنت نبيها اكتر من هكى نبيهم يجيبوه للميدان وكلنا نفشخوه وبعدين نقتلوه هههـ
وماهى نظريتك لى ليبيا الجديدة ؟
انها تكون احسن من ليبيا الاولي نبو العالم يعرف ليبيا الجديدة

زعيم ليبيا
02-12-2011, 05:16 PM
الرجاء كتابة الموضوع في

منتدى 17 فبراير ([Link nur für registrierte Benutzer sichtbar])

وشكرآ

زعيم ليبيا
02-12-2011, 05:21 PM
متي ستبدا المسابقة

خيوو بدأت المسابقة:em:

ARWA86
02-12-2011, 06:03 PM
مسابقة جيدة بل ممتازة بالتوفيق

سان الليبية
02-12-2011, 06:50 PM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟

بصراحة كنت نحس بخوف خاصة في شهر2و3 خاصة منطقة الشرقية كنا كل يوم نسمعو ان الطاغي بيقصف منطقة بعدها قلت اللي يصير يصير بكثير واحد يموت شهيد

كنت متاكد حتنج100في100

كل واحد ايقول شن كانت من افكار تخطر على باله ؟

ان الطاغي يطلق النووي ويمحا ليبيا من الوجود

وشن كان يتنمى ايصير ؟

تحرر طربلس لان بتحررها ليبيا تعتبر متحررة

وهل كنت من الاول مع الثورة او لا بكل صدق ؟
من اول ماسمعته ان في مظاهرات في البيضاء تريد اسقاط النظام يوم15\2
كنت امعاها

وهل نهاية الطاغية هكى تتمنوها ؟

مكنش متوقعة نهايته هكي
كنت متوقعة ان يمسكوه ويحكموه
بس قتلته هكي خير

وماهى نظريتك لى ليبيا الجديدة ؟
متوقعة حتكون احسن من دبي
بس حطول شويا


عاشت ليبيا حرة

دلــ ــع
02-12-2011, 07:19 PM
مســـــــــــــــابقه حـــــــــــلوه ومميــــــــــــــزه
والتميــــــــــــز شي مش غريـــــــــب عليك زعيــــــــــــم

بالتـــــــــــوفيق لكل الاعضــــــــــــاء

تحيــــــــــــــــــاتي

mafia
02-12-2011, 08:26 PM
مشكووووور علي الموضوع منشالله توفيق لجميييييييع:baby:
هههههههههههههههههههههههه

Aster
02-12-2011, 08:30 PM
بآذن الله

حـ انزل موضوعي بعدين عــ الفجر

و حـ انفوز *_^

كتكوته
02-12-2011, 09:15 PM
التوفق و التميز للجميع أنشالله

MTZ
02-12-2011, 09:53 PM
مسابقه حلوه زعيم
تحيـــ mohamed za ـاتي

بنت عكارة
02-12-2011, 09:54 PM
[QUOTE=زعيم ليبيا;195799]الســـلآم عليكم




[Link nur für registrierte Benutzer sichtbar] OVOqtHGfe8QyafXc6ijEPkGJcxzauj2jGzh4fSg/26.gif

موضوع تعبر فيه عن شعورك وشن حسيت ؟

أولا الحمد لله فرحنا لقيام ثورة 17 فبرابر،،، ولكن طبعا كنا نبوها سلمية وما فيش هالدم هذا كله
وخلال الثورة تعذبنا هلبة ،، لدرجة اننا طلعنا لتونس مرتين وحاولنا نمشوا للزنتان لكن ما سخرش ربي ورجعنا قبل شهر رمضان بيومين ،،من كثر المضايقات بتاع أنصار الطاغية والكتائب ،، وطبعا قبل الثورة كنت ما نحبش قناة الجزيرة أما من بداية الثورة 24 ساعة الجزيرة وووووووووووبس ،، وطول الليل فايقة للصبح بالك يجيبوا خبر عاجل والا حاجة والدعاء والدموع عاد ما نقدرش نعبر لكم عليهم ولا بمجلد ،، ولما يتقدموا الكتائب تقول من ماتلنا في الحوش والله مآسي تنذكر وما تنعاد...... وطبعا الوالد عندنا كان مانع علينا قنوات الطاغية كلها منعا باتا .....

وهل ثورة فبراير كانت ستنجح برايك؟
طبعا كان أملنا في الله كبير أن ثورتنا ستنجح ومتفائلين 100 المية ،،، وخايفين في بعض الأوقات لكن الحمد لله والله أكبر والدعاء كان السلاح الوحيد بالنسبة ليا ..

وهل كنت من الاول مع الثورة او لا بكل صدق ؟طبعا
من قبــــــــــــــــل الثورة كلنا نكره هالطاغية
وهل نهاية الطاغية هكى تتمنوها ؟
لا طبعا
كنا نتمنوا أكثر من هكي لكن المهم اتريحنا منه
كنا نتمنى من الثوار أنهم يحرقوا له قلبه على ولاده وبنته زي ما دار في الليبين وبعدين يعذبوه ويخلوه يتمنى الموت وما يشوفهاش

وماهى نظريتك لى ليبيا الجديدة ؟
نتمنى لها كل خير وكل أمان ، وحياة حرة كريمة لكل الليبيين ،لأنه نحن نستاهلوا الحياة الكريمة ورفاهية بعد الصبر هذا كله ، ويرجع كل الثوار إلى مدنهم ويطبقوا نظرية الثوار ( وهي الصدق ،، والأمانة ،، واحترام الحرمات) وينظموا تحت الجيش الوطني،،، وما يشمتوش فينا أنصار الطاغية،،، وما يردوش فكرة اللجان الثورية ( بمصطلح جديد أني من الثوار)..
وطبعا نتمنى من وزارة الداخلية والدفاع الاسراع بشكل عاجل في تشكيل جيش وطني قوي لتوفير الأمن والأمان والاستقرار في ليبيا الحبيبة وارجاع حقوق الناس المفقودة من 42 سنة


[Link nur für registrierte Benutzer sichtbar]



[Link nur für registrierte Benutzer sichtbar]

[Link nur für registrierte Benutzer sichtbar]


[Link nur für registrierte Benutzer sichtbar]

وردة فى تربة مالحة
02-12-2011, 10:32 PM
فكرة حلوة ,, و موضوع روعة ,,

بارك الله فيك ,, تسلم الايادي ,,

مشكور أوخي زعيم ليبيا

شهرزاد
02-12-2011, 10:33 PM
مسابقة جميلة ورائعة


مشكوور زعيم

بالتوفيق للجميييع

غــــر انثــى ــور
03-12-2011, 12:31 AM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
والله في بداية الثورة خفت وبالدات بعد اول خطاب ليه والمشهور بالزنقة زنقة وبعدين عادي لما صار الحظر الجوي وتدخل الناتو وتدخلت الدول الاخري وصارت مقاومة كبيرة من الثوار زال كل خوفي ...................................
توقعتها ستنجح ولكن ماتوقعتهاش بطول لمدة 8 اشهر او اكثر توقعتها ستنجح بعد اول مظاهرة طلعت في ميدان الشهداء وبتاريخ 20/2
كل واحد ايقول شن كانت من افكار تخطر على باله ؟
كنت متوقعة انه بيفجر ليبيا وبيخليها نار حمراء زي ماقال في خطابه الثاني اللي خطبه فوق السرايا الحمراء
ولكن بحمد الله فشلت كل مخططاته

وشن كان يتنمى ايصير ؟
كنت اتمني انه يسلم حكمه من الاول وفكنا من كل اللي صار
وهل كنت من الاول مع الثورة او لا بكل صدق ؟
نعم اكيييييييد من بداية الثورة وكنت نتكلم هلباااااا وبالدات في المدرسة
وهل نهاية الطاغية هكى تتمنوها ؟
بالنسبة لرايي اني هدا كله شوية فيه ع اللي داره في الليبين
وماهى نظريتك لى ليبيا الجديدة ؟
حتكون افضل واحسن بادن الله

في النهاية لايسعني الا ان اشكرك علي هدا الموضوع اللي خليت فيه جميع الاعضاء يشاركو بارائهم
تقبل مروري

Black Tiger
03-12-2011, 12:37 PM
بالتوفيق للجميع

زعيم ليبيا
03-12-2011, 12:54 PM
مسابقة العضوية الذهبية ( موضوع تعبير عن ثورة 17 فبراير )


الرجاء كتابة الموضوع في

منتدى 17 فبراير ([Link nur für registrierte Benutzer sichtbar])

وشكرآ

ĜĭЯŁღ ŁǾ$Ŧ
03-12-2011, 02:31 PM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
اول مابدت التوره انا ماكنت نعرف مع منو الحق بس مع الايام شفت ان القذافى يقتل فينا فكانت ثوره 17 فبراير هيا عنوانى ....... اكيد ثوره التكبير حتكون ناجحه

كل واحد ايقول شن كانت من افكار تخطر على باله ؟
انه لما بيوصلو الثوار طرابلس القذافى حيفجرنا واحنا فيها هذي اكبر مخاوفى

وشن كان يتنمى ايصير ؟
كنت نتمنى يشدو القذافى من الاول والشعب يطلع كله ايد وحده مفيش مؤيد ومعارض كلهم معارضين

وهل كنت من الاول مع الثورة او لا بكل صدق ؟
كنت حايره لاكن من شهر 3 بديت مع الثوره

وهل نهاية الطاغية هكى تتمنوها ؟
كنت نتمنى ايديرو فيه اكثر لاكن حتى هذا يمسح على القلب

وماهى نظريتك لى ليبيا الجديدة ؟
انشاء الله تكون ليبيا احلى من دول العالم
1) بيكون فيها محلات كبار للتسوق
2) يكثرون من المنتزهات
3) الجوامع تكثر
4) تكون فى شقق للشباب المقبل على الزواج
5) كل عائله ليبيه تكفل يتيم


والله اكبر انشاء الله مشاركتى تعجبكم ولكم خالص ودي ومحبتى

roro
03-12-2011, 08:18 PM
أولا اترحم على دماء الشهداء الأبرار اللذين ضحوا فدائا لتراب هذا الوطن الغالي

أني من البداية مع الثورة قلبا وقالبا و الحمد لله ..... وكنت متأكدة أن الله حينصرنا وكنت نشوف فيه قريب هلباااااااااااااا ... لدرجة اني خواتي هبلتهم بأغنية ليبيا غدوا افراح و عيد ... كل يوم انقوللهم توا تشوفو النصر غدوا ....

في هلبا أفكار كانت في بالي الحمد لله ماخفتش ..... لدرجة ان في فترة اهلي منعوني من الطلوع برا الحوش .... بس قدرت نطلع وكنت معروفة بين اللي يقرو معاي اني معارضه لأن أول شهيدة في طرابلس بالتحديد في تاجوراء تكون بنت عمي ( الله يرحمها ويرحم جميع الشهداء ) ...... حاولت اندير جهدي و وزعت أعلام في وسط المعهد و صارتلي هلبا مشاكل فيه وكتبو اسمي .... بس مافيش حد في الحوش كان عنده علم و مع هذا كله كملت السيمستر وصفيت الحمد لله .... والحق نحس في روحي مش راضية عاللي درته لأنه لاشيء قدام التضحيات اللي قدمها شعبنا بس الله غالب هذا اللي قدرت عليه ....

نتمنى ليبيا تتغير للأحسن زي ما نبو زي ماحلمنا .... على خاطر دم الشهداء و باش الأجيال الجاية يعيشو و يتعلمو صح مايعيشوش زينا ..... هلبا أحلام نبوها تتحقق و ان شاء الله ربي يوفقنا .....

اكيد مع الثورة ....

الحق مرة انقول احسن قتلوه و مره انقول ياريته عايش باش يموت بقهرته ..... الحمد لله افتكينا منه وخلاص ....

عندي أمل كبير في ربي انه يوفقنا وتكون ليبيا احسن بلاد في العالم ..... عارفه الموضوع يبي وقت بس مافيش شيء مستحيل المهم كل ليبي يبدا بنفسه و مايستنى حد .. توا ليبيا محتاجه لكل واحد فينا باش نبنوها من جديد للأحسن إن شاء الله...

سبيل
03-12-2011, 08:35 PM
بالتوفيق لجميع الاعضاء المشاركين
كنت اود ان اشارك ولكن لست بارعة فى الكتابة
مسابقة جميلة فكرتها الأجمل
يعطيك العافية الزعيم
تحياتى الك

*بنووتة زاوية*
03-12-2011, 10:19 PM
والله موضوع او مسابقة رائع مشكور خوي
ولي عودة اخر
تقبل مروري
*بنووتة زاوية*

Bent libya
04-12-2011, 12:34 PM
السـلام عليكم
في البداية أترحم علي أرواح شهدائنا أقل مانستطيع نقدمه لهم
موضوع تعبر فيه عن شعورك وش حسيت؟وهل ثورة فبراير كانت ستنجح برايك؟
أول مابدت الثورة المباركة المجيدة حسيت انه اليبيين حق رجالة وناس مثقفة وان هما مارضوش بالظلم وان هالطاغيةهو اللي كان طامسنا وحسيت ان الليبيين مبدعين شجعان فرسان مؤمنين حقا لا يخافون الا من الله.
كل واحد يقول شن من افكار تخطر في باله؟
كان يخطر في بالي حال أمهات الشهداء والاطفال ..وحال الثوار في الجبها ت وكنت ديما ندعيلهم بكل قلب صادق في كل صلاة ان ربي مايخيبلي رجائي ويصبرنا علي هالطاغية ويقوينا عليه والحمد لله انتصرنا بفضله وبثوارنا الأشاوس..........الحمد لله رجعة ليبيا لنا
وشن كان يتمني يصير؟
كنت نتمني ان نساعد خوتي الليبيين بأي طريقة والحمد لله ربي وفقني وساعدناهم وكنت نتمني ان تكون نهاية الطاغية لا مثيل لها والحمد لله ربي استجاب وما خيب رجائي كانت نهاية مخزية له......
وهل كنت من الأول مع الثورة أو لا بكل صدق؟
بكل صدق وامانة والله علي ماأقول شهيد كنت مع الثورة مند اندلاعها في بنغازي الحبيبة وحتي في في شهر 3قامت كتائب الطاغية باعتقال خالي الصغير لأنهم عرفوا بأننا مع ثورة 17 فبرايرولكن الحمد لله رجع لناقبل يوم من قصف ين عريف ....
وهل نهاية الطاغية هكي تتمنوها؟
كنت أتمني أن لا يموت حتي يشرب من كأس السم اللي شربنا منه ولكن الله وحده قادر أن يأخد حقنا منه.....
وما هي نظريتك لي ليبيا الجديدة؟
أري مستقبل زاهر لليبيا ليبيا ستكون جنة الله علي الأرض بادن الله بعملنا وعلمنا وتحضرنا وايماننا بالله تعالي
وفي النهاية لايسعني الا أن أحمد الله وأشكر الثوار علي كل ماقدموه لنا
وفي الختام أدعو الله أن يحفظ بلادنا من كل مكروه
الله أحد علي أولادك يابلادي...... حولو حكم العادي ....هالظالم قتال ولادي
وبكل فخر نقول أني ليبية وراسي للسما مرفوع

انشراح
04-12-2011, 06:31 PM
شكرا زعيم ليبيا

انشراح
04-12-2011, 06:53 PM
موضوع تعبر فيه عن شعورك وشن حسيت ؟ (بسم الله الرحمن الرحيم) متشكره زعيم ليبيا لاتاحة الفرصه لمشاركتك فرحة النصر بلاحري الحريه ولله الحمد* وهل ثورة فبراير كانت ستنج برايك؟ الحقيقه كنت نفكر في شي وقتها بعد عليا اني نتكهن بنجاح التوره الا وهو خوي الي كان من اول توار جبهات الجبل مع اصحابه وكانت ماما ببكاها تزيد في الضغط عليافكان الشي المنصوب امامنا عودته بلسلامه.

كل واحد ايقول شن كانت من افكار تخطر على باله ؟
كنت متطربه عن الحال الي بتؤله الدراسه والاكتر لما بدي القصف لانا قراب من معيتيقه والجيران الي هربو فكنا ندعو وقتها بلستر من ربي
وشن كان يتنمى ايصير ؟
الحق ماما كانت تقول ربي ينصر الحق ويرجع خونا بلسلامه
وهل كنت من الاول مع الثورة او لا بكل صدق ؟
اكيد وحتي كان بابا يجمع في الفلوس الي ساعدو بيهم توار سوق الجمعه وهو رئيس المجلس الان
وهل نهاية الطاغية هكى تتمنوها ؟
اكيد لا نبيه يتحاكم ويعترف بلحقائق ويكشف الناس الي كانت تسرب في اخبار الثوار وبعض الجرائم الدوليه
وماهى نظريتك لى ليبيا الجديدة ؟ اكيد نبو الشمس تسطع ان صح التعبير ويعم الخير وتعم المصالحه الوطنيه بلاخص ونرتقو بليبيتنا اناوانت والناس الكل

انشراح
04-12-2011, 07:02 PM
Thank you man

انشراح
04-12-2011, 07:04 PM
نبي نبدا نراسلكم كيف بلله نبي حل من الاداره

بنت اوجلة
04-12-2011, 08:02 PM
مسابقه راائعه
بالتوفيق للجميع

ÑâWRè§.ÑÕ§Ä~
04-12-2011, 09:52 PM
مسابقة رااااااااااااااااائعة جدا شكرا

sjode
04-12-2011, 10:21 PM
الســـلآم عليكم






موضوع تعبر فيه عن شعورك وشن حسيت ؟ وهل ثورة فبراير كانت ستنجح برا

ولله في البداية مكنتش اتوقع ان الثوار ينتصرو

كل واحد ايقول شن كانت من افكار تخطر على باله ؟

لان كنت في البداية انقول ان الثوار ليس لديهم القدرة على سحق الطاغية

وشن كان يتنمى ايصير ؟
ولله من البداية كنت نتمنى الفوز للثواروجبوها ابطال بلادي

وهل كنت من الاول مع الثورة او لا بكل صدق ؟
نعم ولله من البداية مع ثورة الحق

وهل نهاية الطاغية هكى تتمنوها ؟
ولله مكنت نتمناه يموت لكي يعاقب على مافعل بس الحمد لله

وماهى نظريتك لى ليبيا الجديدة ؟

انشاء لله تكون دولة دستور وديمقراطية وعدل بس وتكون اكيد خير من قبل

[Link nur für registrierte Benutzer sichtbar]

[Link nur für registrierte Benutzer sichtbar]

اسراء و نسرين
06-12-2011, 02:31 AM
موضوع تعبر فيه عن شعورك وشن حسيت
هل ثورة فبراير كانت ستنجح برايك ؟
اكيد كنت متفائله هلبه كنت انقول مفيش قوه تقهر ارادت شعب حتى لما يقولو لا مش حنقدرو رح يمسحها زاويه كنت انقول نيال من يكون شهيد كنت متفائله هلبه هلبه هلبه كنت واثقه فى ارجالها
شن كانت من افكار تخطر على باله ؟
كنت خايفه من الجامعه العربيه ما توافق على الحضر الجوى لانه عطلت خلت الطاغيه واعوانه يدمرو مدينتى الحبيبه الزاويه و العالم يتفرج بصمت و لم اتمنا لى اى مدينه اخرى يصير بيها مثل الزاويه
وشن كان يتنمى ايصير ؟
حضر الجوى يصير فى احداث الزاويه الاوله كنت اتمنا طائرات تقصف الارثال الذى يبعث فيها لزاويه
وهل كنت من الاول مع الثورة او لا بكل صدق ؟
بكل صدق كنت نستنا فيها بذات لما صارت ثوره مصر كنت انقول ليش ليبيا اغناء دوله وافقر شعب كنت اتمنا تكون اول ثوره بس ثورة ليبيا فاقت ثورات العالم
وهل نهاية الطاغية هكى تتمنوها ؟
اكيد كنت نتمناله الموت بس ماكنتش نتمناله انه يدفن فى ليبيا ابدا
وماهى نظريتك لى ليبيا الجديدة ؟
ليبيا اكيد كل شى حيكون مميز فيها لانه شعبها مميز انا اراء لبيبا حتكون افضل دوله فى العالم لانه لبيبا مميزا مش بنفطها او غازها ليبيا بثرابها يالى ارتواء بدم شهداء رح نبنى ليبيا لجيل يرفع الراس
اكيد نحدف مازرعه الطاغى فينا من كره و حسد بينا ليبيا للكل
انا انحبها ليبيا ورح نبنيها باش يشوف العالم من هم ليبين ونفتخر بانفسنا

زعيم ليبيا
06-12-2011, 03:45 PM
الرجاء كتابة الموضوع في هذا القسم من اجل الدخول والمشاركة في المسابقة

عنوان الموضوع

مسابقة العضوية الذهبية ( موضوع تعبير عن ثورة 17 فبراير )


الرجاء كتابة الموضوع في

منتدى 17 فبراير ([Link nur für registrierte Benutzer sichtbar])

وشكرآ

ليبية تعشق الحرية
13-12-2011, 10:10 PM
هل ثورة فبراير كانت ستنجح برايك ؟

بالتاكيد ولا في يوم ترددت وقلت مش حتنجح لان كان لازم يجي يوم ويطيح القدافي .

كل واحد ايقول شن كانت من افكار تخطر على باله ؟

كم عدد الشهداء اللي بيستشهدو وعدد الجرحي .

وشن كان يتنمى ايصير ؟

تمنيت الحظر الجوي صار قبل مايدخل الزاوية الصامدة .

وهل كنت من الاول مع الثورة او لا بكل صدق ؟

اني معارضة من قبل ماتصير الثورة ..

وهل نهاية الطاغية هكى تتمنوها ؟

نعم ...بكل تاكيد ...of cours ...

وماهى نظريتك لى ليبيا الجديدة ؟

ليبيا الحضارة ليبيا الجديدة ليبيا الحرة ولا في يوم ننسو شهدائنا ................




مع تحياتي لك بصراحة فكرة رائعة بالتوفيق

حلآ
13-12-2011, 11:28 PM
الســـلآم عليكم

مسابقة أفضل تعبير عن ثورة 17 فبراير

[Link nur für registrierte Benutzer sichtbar] ovoqthgfe8qyafxc6ijepkgjcxzauj2jgzh4fsg/26.gif

موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
نعم كنت متاكدة بانها ستنجح لان من قادها هم ابنائها هم رجالها هم اسوداها فكانت لى كل الثقه بانها ستنجح
كل واحد ايقول شن كانت من افكار تخطر على باله ؟
فى الحقيقه كان كل ما يخطر على بالى حينها هم الثوار كيف ينامون وكيف ياكلون كيف وكيف وكيف
وشن كان يتنمى ايصير ؟

وهل كنت من الاول مع الثورة او لا بكل صدق ؟
انا كنت من قبل الثوره معارضه له يعنى من صغرى فنحن واجهنا العديد من جرائم القذافى البشعه وكنا نواجهها حتى اثناء الثوره /لانا عمى هو من اسس الجبهة الوطنيه وهو من اسس حزب المعارضه وهو معارض للقذافى من 1970 فقد هدم بيوتنا وشردنا داخل وخارج ليبيا وفعل فينا ما لا يخطر على بال بشر وعندما قامت الثوره كنا من اول من خارج فيها رجال ونساء واطفال
وهل نهاية الطاغية هكى تتمنوها ؟
كنت اتمنى له نهاية ابشع من هده النهايه بكثير كنت اتمنى ان ناخذ ثئرنا منه بايدينا نعذبه كما عذب اولادنا نقهره كما قهر الامهات نريه العجب ولاكن له عذاب من الله والله ياخد الحق انشاء الله
وماهى نظريتك لى ليبيا الجديدة ؟
ليبيا الجديده اكيد حا تكون احلى بثوارها واكيد حا نبنوها ونعمروها من احسن ما يكون فنحن عهدنا ليبيا فى السابع عشر من فبراي بئننا سنحررها و اوفينا بالوعد والان نعاهدها باننا سنعمرها وباذن الله سنوفى بوعدن لليبيا الحبيبهlor][color=crimson][Link nur für registrierte Benutzer sichtbar]

وهذى مجموعة الاسئلة وانتم كونو منها موضوع واحكولنا كل واحد شن عاش بكل صدق وامانة وبكل حرية

[Link nur für registrierte Benutzer sichtbar]

قوانين المسابقة

يسمح لجميع اعضاء المنتدى بالمشاركة دون استثناء

يستطيعوا الأخوة الغير ليبيين المشاركة في المسابقة

يمنع منعاً باتاً واشدد على باتاً نقل موضوع من منتديات اخرى ونسبها لنفسك

يجب أن يكون عنوان الموضوع

مسابقة العضوية الذهبية ( موضوع تعبير عن ثورة 17 فبراير )

منتدى 17 فبراير ([Link nur für registrierte Benutzer sichtbar])

[Link nur für registrierte Benutzer sichtbar]

يعلن أسماء الفائز بجائزة العضوية الذهبية يوم 20-12

[Link nur für registrierte Benutzer sichtbar]

من هنا مميزات العضوية الذهبية ([Link nur für registrierte Benutzer sichtbar])

[Link nur für registrierte Benutzer sichtbar]

لجنة التنظيميه لمسابقة إدارة الموقع

والتوفيق للجميع


شكرا زعيموووووووووو على الموضوع الروعه
دمت بود

libyas70
13-12-2011, 11:57 PM
كنت مع الثورة من بدايتها بكل امانة وكذلك عائلتي واخي استشهد مع الثوار جعله الله من الشهداء الثورة كانت ضد الظلم لذلك نصرنا الله لان هذه الثورة حصلت فيها تجاوزات كثيرة لايرضها الله ولذلك دعمنا بالنصر نهاية الطاغية كان يستحقها فعلا وهذه النهاية هو من كتبها بالظلم الذي كان يمارسه هو وازلامه الثورة منذ ان قامت احسست انها سوف تنجح واتمنى ان تكون ليبيا أفضل بكثير مما كانت عليه وان يعم الامن والامان بفضل الله والثوار هذا رايي بكل صراحة
*اخت الشهيد*

راقيه باخلاقى
14-12-2011, 12:39 PM
موضوع تعبر فيه عن شعورك وشن حسيت ؟ وهل ثورة فبراير كانت ستنجح برايك ؟
فى البدايه خفت شوى... لانه نحنا بس اللى ف شارعنا معارضين .. وخفت انه الامن الداخلى يرفع حد من خوتى
وبعدها اعرفت انها ثوره حق وماخفت...

ايه لانها ثوره حق ..

كل واحد ايقول شن كانت من افكار تخطر على باله ؟
كنت نفكر انه بميسح ليبيا من الصوارخ اللى عنده... والفتنه بين الناس

وشن كان يتنمى ايصير ؟
انه ربى يخلصنا منه باسرع وقت

وهل كنت من الاول مع الثورة او لا بكل صدق ؟
لا عارضت يوم 24 فبراير

وهل نهاية الطاغية هكى تتمنوها ؟ع حكم الله..
كنت نتمناها اكتر من هكى ويندل مدله اكتر
.. لاكن الحمدلله لا اعتراض ع حكم الله

وماهى نظريتك لى ليبيا الجديدة ؟
ان شاء الله.. رح نعيشو بكرامه وحريه وديمقراطيه.. لانها بدات بالتكبير ودكر الله..واكيد احلى بدون القدافى

محمد الزعيم
14-12-2011, 12:47 PM
مسابقة راائعة وجميلة جدا
وبالتوفيق للجميع

زعيم ليبيا
18-12-2011, 11:24 AM
يغلق الموضوع اليوم سوف يتم فتح التصويت